នគរបាលប៉ុស្តិ៍ក្បាលកោះ ឃាត់ខ្លួនជនសង្ស័យ០២នាក់ ប្រើប្រាស់ ដោយខុសច្បាប់នូវសារធាតុញៀន
21-August-2018 | ដោយ ពលមនសិការ
ភ្នំពេញ ៖ នៅថ្ងៃទី២០ ខែសីហា ឆ្នាំ២០១៨ វេលាម៉ោង២៣និង៣០នាទី សមត្ថកិច្ចនគរបាលប៉ុស្តិ៍ក្បាលកោះ ខណ្ឌច្បារអំពៅ ឃាត់ខ្លួនជនសង្ស័យ០២នាក់ នៅចំណុចមុខផ្ទះគ្មានលេខ ផ្លូវជាតិលេខ១ ភូមិយកបាត្រ១ សង្កាត់ក្បាលកោះ ខណ្ឌច្បារអំពៅ ពីបទៈប្រើប្រាស់ ដោយខុសច្បាប់នូវសារធាតុញៀន។
លោកវរសេនីយ៍ទោ ម៉ៅ សឿត អធិការរងនគរបាលខណ្ឌច្បារអំពៅបានឲ្យដឹងថាជនសង្ស័យទី១-ឈ្មោះម៉ន ក្រែន ភេទប្រុស អាយុ២៧ឆ្នាំ ជាតិខ្មែរ មុខរបរកម្មករសំណង់ ទី២-ឈ្មោះជី កឹក ភេទប្រុស អាយុ២៣ឆ្នាំ ជនជាតិខ្មែរ មុខរបរ កសិករ។ ទាំង២នាក់ ស្នាក់នៅភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល។
ដកហូតវត្ថុតាងមាន៖ក្រាមពណ៌សថ្លា (សង្ស័យគ្រឿងញៀន) ០១កញ្ចប់ថង់តូច, ម៉ូតូ០១គ្រឿង ម៉ាកសង់កូរ៉េ ពណ៌ក្រហម គ្មានស្លាកលេខ (ម៉ូតូចាស់),ទូរស័ព្ទដៃ២គ្រឿង។ បច្ចុប្បន្នជនសង្ស័យទាំង២នាក់រួមនិងវត្ថុតាងកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងដើម្បីបន្តនីតិវិធី ៕
ចំនួនអ្នកទស្សនា
- ថ្ងៃនេះ3371
- ម្សិលមិញ16391
- សប្តាហ៍នេះ49601
- ខែនេះ164751
- ឆ្នាំនេះ164751
- សរុប20607207